Nach zwei Jahr Abweseheit uf de Räng, ufgrund vo diverse Stadionverbot und Stei, wo ois
als PZ immer wieder in Weg gleiht worde sind, isch es jetzt endlich so wit: Mir sind zrug im Block!
Die letschte zwei Jahr sind alles andere als ruhig gsi, sie sind prägt gsi vom Kampf gege Repression und Stadionverbot. Es sind Jahr gsi, ih dene mir hend müsse akzeptiere, dass mer ois vom Stadion fernhalte will. Trotz allem hend mir en Weg gfunde de ZSC ahgmesse z‘unterstütze, usserhalb vom Stadion, unterwegs im Usland oder überalldet, wo‘s möglich gsi isch. Mir sind nie weg gsi!
Und au wenn hüt und im Verlauf vo dere Saison einzelni vo ois no münd dusse warte, lueged mir voller Überzügig und Energie uf die ahstehendi Saison.
S‘Jahr 2026 isch usserdem nöd irgend es Jahr für ois, sonder mir fiired das Jahr oises 10-jährige Jubiläum. De Startschuss für oises Jubiläumsjahr hend mir im Juni mit eme unvergässliche Fäscht scho chöne setze. Aber das isch erst de Ahfang gsi, ihr chönd oi uf witeri Aktione freue!
Predators Zürich 2016